مەلا ئاوارە سوزێک بۆ نیشتمان
![مەلا ئاوارە](https://dwaroj.net/wp-content/uploads/2020/10/photo_2020-09-07_21-32-50.jpg)
مەلا ئاورە ساڵی ١٩٣٤ی زایینی لە ئاوایی شەلماش چاوی بە ژیان پشکووت. مەلا ئاوارە هەر لە منداڵییەوە لای باوکی کە پیاویکی خوێندەوار بوو دەستی بە خوێندن کرد و دواتر بە دوای زانیاری زیاتر و خوێندن رووی لە مزگەوتەکان و حوجرەی فەقێیایەتی ئەو سەردەمە کرد. ئەو خویندن و گەرانە وەدوای خوێندن مەلا ئاوارە دەباتە جیهانێکی نوێ و مەلا ئاوارە لە سەردەمی گەران بە شار و ئاواییەکانی رۆژهەڵاتی کوردستان، زۆر لەوە زیاتر چاو و گوێی دەکرێتەوە و کە بە خوێندنەکەی لێی تێگەیشتوە و هەست بە چەوساندنەوە و ئەو زولم و زۆرەی کە لە نەتەوەی کراوە دەکات و هەروەها خۆیی بە رۆڵەی زەحمەتکێشان و کرێکارانی هەموو رۆژهەڵاتی کوردستان دەزانێت. هەر ئەوەش هانی دەدات هەست و بیر و توانای بخاتە گەڕ دەکەوێتە هاندانی خەڵک بۆ دەرچوون لەو دۆخە و هەر خۆشی وەک پێشەنگ و خەم خۆرێکی رەسەن و تێگەیشتو بۆ رزگاری نەتەوەکەی رێگای شۆڕش و بەرنگاربوونەوە دەگرێتە بەر و تا کۆتایی ژیانی دژ بە داگیرکەران راوەستا. مەلا ئاوارە بۆ درێژەدان بە خەبات دەچێتە ناو ریزەکانی حزبی دێموکراتی کوردستانی ئێران و دواتر بە هۆی ئەوەی کۆمەڵیک کێشە و گرفتی لەگەڵ حزب دەبێت مەلا ئاوارە و کۆمەڵیکی دیکە لە هاوڕێیانی دەگەرێنەوە بۆ رۆژهەڵاتی کوردستان و دەست دەکەنەوە بە خەباتێکی چر و پر و هەر لەو رێگە پیرۆزەدا گیانی ئازیزیی لە رێکەوتی ١٠ مانگی ٥ی ساڵی ١٩٦٨ی زایینی لەگەڵ دوو هاوڕیی دیکە بە ناوەکانی “رەحمانی وەتمان چاوشین” و “مەلا کچکە” لە شاخەکانی شاری سەردەشت بەخت کرد.
کوپلەیەک لە شێعرەکانی مەلا ئاوارە
لەو کاتەوە کە لە ماڵی خۆمان دەرکەوتوم
هیچ کات بە تەنیا نەبووم
هەستم بە غەریبی نەکرد و
من ئێستا تەنیا کوڕی دایک و باوکی خۆم نیم
بەڵکوو رۆڵەی هەموو زەحمەتکێشانی کوردستانم.
یەکێکی دیکە لە هەلبەستەکانی مەلا ئاوارە:
بێ خانوو و زەوی و زارم
تووتنوانێکی ھەژارم
دوورم لە خێر، نزیک لە شەڕ
بێ پووڵ و باغ و بزن و مەڕ
مناڵم رووت و برسییە
ژیانم پڕ مەترسییە
هەروەها لەتیف ھەڵمەت شێعرێکی بۆ مەلا ئاوارە نووسیوە؛ ئەوە دەقی شێعرەکەیە:
من دڵنیام … چەندێ بژیم
ڕۆژێ مەرگ دێ بۆ پێشوازیم
بەڵام ھەزاران ھەزار ساڵ
لە دوای مردن
دەرمبێنن لە گۆڕ و چاڵ
ئەگەر سینگم بە نەشتەرێ ھەڵبدڕن
ھێشتا دیارە لە سەر برینی دڵی من
خۆڵەمێشی گوندەکەم و
جێ زنجیری تانکی دوژمن…!
بست بە بستی … ئائەم خاکە
جێ بزماری چەکمەی پاسدار و ساڤاکە…!