بانگەوازی پشتگری لە هێزە سیاسیەکان و چالاکانی خۆڕاگری ڕۆژهەڵاتی کوردستان نیشتەجێ لە باشووری وڵات. ⋆

هاونیشتمانان

ئەمڕۆکە پتر لە ڕابوردا چاوەڕوانی کارەساتی دڵتەزێن لە ئاست گەلەکەمان دەکرێت.

“شمشێری دامۆکلێس” ئاڕاستەی هێزەکانی ڕۆژهەڵات کراوە و گوشار و گەمارۆ لە سەریان پێ دەنێتە قۆناغێکی مەترسیدار!

ئەم هێز و ڕێکخراوانە و بەتایبەت ئەندامان و بنەماڵەکانیان پتر لە هەموو کات پێویستیان بە پشتگری هەمەلایەنەی دڵسۆزانی کورد و ئازادیخوازانە لە دەرەوە و لە نێوخۆی وڵات.

ڕێژیمی دژی گەلی ئیسلامیی ئێران بۆ داسەپاندنی دەسەڵاتی دەسدرێژکارانەی زیاتر لە عێراق و باشووری کوردستان و هەروەها قەرەبووکردنەوەی شکستە نێوخۆیی و دەرەکیەکان خۆی، پەنای بردوتە هێرش و هەڕەشە بۆ سەر حێزب و ڕێکخراوەکانی ڕۆژهەڵات نیشتەجێ لە باشووری کوردستان. دیارە ئەم هێزانە بۆ ڕێزگرتن لە یاسا و بەرژەوەندیەکانی حکوومەتی هەرێمی کوردستان، خۆیان لە هەرچەشنە تێکهەڵچوون و گرژیێکی چەکدارانە دژ بە ڕێژیمی ئێران پاراستوە.

لێرەدا وەک ئەرکی نیشتمانی و نەتەوەیی، داوا لە حکوومەتی هەرێم بە گشتی و پارتی دێمۆکڕاتی کوردستان و یەکیەتی نیشتمانی کوردستان بە تایبەت دەکەین کە ڕێگا بە جێبەجێ بوونی پیلانیی ژاراوی و دژ بە کوردی ڕێژیمی ئێران نەدەن و بەرهەڵستی و ئاستەنگی لە هەمبەر ژیانی هێمنانەی هێزەکانی ڕۆژهەڵاتدا پێک نەهێنن.

مێژووی نەتەوەکەمان هەوراز و لێژی زۆری تۆمار کردوە کە دەبنە وانەی بەرەکانی داهاتوو و هەروەک شانازی بە دەستکەوتەکانەوە دەکرێت، هەڵەکانیش لە بیر ناچنەوە!

بە لەبەرچاو گرتنی ئەو بارودۆخە، پێک هێنانی هاودەنگی یەکی نەتەوەیی بۆ پاراستن و پشتگری لە هێزەکانی ڕۆژهەڵات لە باشووری کوردستان و لە قاودانی هێرشە دژی گەلیەکانی ڕێژیم بە پێویست دەزانین و داوا لە هەموو لایەنە نیشتمانی و ئازادیخوازەکان دەکەین کە لە سەر پێکهێنانی هاودەنگیەکی ئەوتۆ چالاکانە بێنە مەیدان و هەنگاوی پێویست و هاوبەشی بۆ هەڵگرین.

ناوەکان بەپێی پیتی ئەلف و بێ:

١- دوکتور تاهیری ئەردەڵان (چالاکی سیاسی)

٢- ئەحمەدی ئەسکەندەری (چالاکی سیاسی)

٣- گۆران ئەمیری (چالاکی سیاسی)

٤- دوکتور کامران ئەمین ئاوە( نووسەر و چالاکی سیاسی)

٥- دوکتورعەبدوڵا ئیبراهیم زادە (چالاکی سیاسی)

٦- سدیقی بابایی (توێژەرو لێکۆڵەر)

٧- خەلیلی پێشنماز(چالاکی سیاسی)

٨- موحەمەد عەلی زەندکەریمی (چالاکی سیاسی)

٩- پەیام حسەینی (میدیاکار )

١٠- موحەمەد خاکی (چالاکی سیاسی و میدیاکار)

١١- مینا سوارە (پێشکەشکارـ چالاکی سیاسی)