پەیاموو بەشێو جە چالاکە سیاسیاو ناوچەو هەورامانی پەی مەحکووم کەردەی هێرشەکاو ڕژیمی

خەڵکوو ئازا و قارەمانوو کوردستانی

مەخلۆقوو زڵم ڤنەشیەو هەورامانی

هەر پاسە کە ئاگادارێندێ جە شەرایتوو تەیبەتوو خاوەرمیانەیەنە و چنی گۆڕانکاریە سیاسی،کۆمەڵایەتی و نیزامی و دیسان باسوو بۆحرانوو پەتاو کڕۆنایەنە کە نیازی فرە هەن بە مۆدیریەتیوی درۆس جە ئەنزاری جیهانیەنە ، ڕژیمی فاشیستی ئیسلامی ئێرانی بە هەڕەشێ فرەو جە مەسئوولەکاو سپاو پاسدارا کە وێش نەهادێوی تێروریستیا،و هەمزەمان فرەو جە جاشە مزدوورەکاشا جە مەجلێسەنە و دلێ دەوڵەتیەنە گەرەکشانا ئێرادەی پۆڵایینوو پێشمەرگە قارەمانەکاو کوردستانی سەنجنا و تا پێ جۆرە هەم فشار وزا سەروو حکوومەتوو ئێقلیمئ هەم وەرگیری کەرا جە فەعالیەتوو حێزبەکاو کوردستانی ڕۆژهەڵاتی و نازا جە عەرسەی جەهانیچەنە خواستوو خەڵکووزەحمەتکێشوو کوردستانی بیاڤۆ گۆشوو دەوڵەتەکا و بە مەیلوو وێشا قەتل و عاموو و وێرانکاری کەرانێ. ئا هێرشێ کە چی ماوەنە سپاو ترۆریستوو پاسدارانی کەردەنش سەروو مەنتەقە مەرزییەکاو هەرێموو کوردستانی و بۆمبارانوو سەنگەرەکەو پێشمەرگەکا جە دلێ ئەفکاری گشتی و ویژدانوو خەڵکیەنە هەم جە سەرتاسەروو کوردستانی هەم لاو خەڵکوو هەورامانیەنە مەحکووما و بیەن باعێسوو دیسان فرە قین هۆر گێرتەی چی ڕژیمە جەلاد و جەنایەتکارەی.

ئێمە ئیسە پێسەو بەشێو جە چالاکە سیاسی و تەشکیلاتیا حێزبە شۆڕشگێڕ و ئازادیوازەکاو کوردستانی کە فرەتەر جە چل ساڵێن وەراڤەروو ئا تەهاجۆماتە گەوراو ڕژیمی پەی گردوو کوردستانی مدراینمێ و مقاومەتما کەردەن و بە پشتیوانی خەڵکی هەژار و چەوساوەی و مۆبارزە ئاگایاو پێشڕەوەکا سەروو پایاو وێماوە مەنێنمێ،ئیجارەیچە بە بێ هیچ تەرسێوە مدرمێنێ و نمازمێ ڕژیم بیاڤۆ بە پا وەرما کە وینۆشا.ئێمە دیسانەوە مۆبارزەو خەباتوو جۆنبێشوو ئازادیواز و دمۆکراتیکوو کوردستانی بە حەق مزانمێ و سەروو گردوو خواستەکاش پا فشاری کەرمێ.

ڕژیمی کۆنەپەرەستوو و زد گەلی مشۆم بزانۆ پی کارە نادرۆس و جەنایەتکاراشە فرەتەر ڕووێی سیاوەش پەی خەڵکی و جەهانیا ئەرمانەینەش و پێ کاریشە نە تەنیا مەتاڤۆ هیچ کارێو کەرۆ بەڵکوو بەستەروو خەباتی سەرانسەری و توودەیی وەشيتە کەرۆنە و عێزبە شۆڕشگێڕەکێما فرەتەر جە مەیدانوو کردەوەیەنە جوابوو ئا ترۆریستا مداوە.ئێمە دیسان پشتیبانی وێما جە هەمسەنگەرە پێژمەرگەکاما و رەفێقە ئازیزەکاما جە دلێ حێزبەکانە دووپات کەرمێوە و داوا جە نەهادە جەهانییەکا و دەوڵەتوو هەرێمی و خەڵکوو باشووری کەرمێ نازا ڕژیم بیاوۆ بە ئامانج و هەدەفەکاش کە نابوود کەردەی جۆنبێشوو کوردستانیا.
بژی بزووتنەوەو دمۆکرادیکوو کوردستانی

مەرگ و نەمان پەی کۆمارئ ئیسلامی

خەرمانانوو 1400ی

بەشێو جە چالاکە سیاسیاو ناوچەو هەورامانی