یادیک لە ٢٨ی گەلاوێژی ١٣٥٨ و چیرۆکی بەرگری و گیانفیدایی گەلی کورد لەو ڕۆژانەدا ⋆

نیگار حوسێنی ـ ئاڵمان

پاشی ئەوەی خومەینی لە ٢٨ی گەلاوێژی ١٣٥٨ فەتوای جیهادی لە دژی خەڵکی کورد راگەیاند ،چەرخی ئیعدام و کۆمەڵ کوژی لە سەراسەری کوردستان وەگەر کەوت ،جینایەت کارانی سوێند خواردووی سەر بە رێژیم دەستیان لە هیچ جینایەتێک و کوشتارێک نە دەگێراوە، لە بەرەکانی شەری هێزی پێشمەرگە هەموو رۆژێ بە دەیان و سەدان بەکرێگیراوی رژیم دەکووژران ،جەبهەکانی شەر لە سنووری چۆمی ئەرەس لە باکووری رۆژهەڵات تا ئیلام و لۆرستان بە هەموو جۆرە چەکێک هێرشیان دەکرا سەری و هێزی پێشمەرگە رۆژ لە دوای رۆژ دەسکەوتی زیاتر دەبوو، رێژیم وڵام دەری هیج رووداو و کارەساتێک نەبوو ، شەری ئێران وعێراق هێزەکانی نیزامی ئێران یان بە چۆک داهێنابوو .لە کوردستان رێژیم بۆ ئەوەی بتوانی هێزی نیشتیمان پەروەران و خەڵکی راپەریوی شار و دێهاتەکان لە هێزی پێشمەرگە دوور بکاتەوە زەختێکی زۆری خستبووە سەر بنەماڵەی پێشمەرگەکان و لە زۆربەی شارەکان بنەماڵەکانی دوور دەخستنەوە بۆ شارە دوورەکانی ئێران . رێژیم لە ژێر فشارێکی زۆردا تەنیا بە هەرەشە و گرتن و ئەشکەنجەی بێ تاوانان دەی توانی لە ناو شارەکان دەسەڵاتی شوومی خۆی بە کار بهێنێ . ٤٠ ساڵ پێش کوردستانیان گەمارۆ دا ، هیچ کەس بۆی نەبوو لە شارەکانی تر کەل و پەلی پێویست بۆ دابین کردنی ژیانی رۆژانە خۆی بکرێ و بیهێنێتەوە کوردستان ، لە هەموو ئەو رێگایانەی بەرەو کوردستان دەگەرانەوە ،بازگەی کۆنترۆڵ و تەفتیشی دانابوو ، هەر کەس کەل و پەلی وەکی قەند و رۆن و نان یا هەر خواردەمەنێکی پێ بایە ،لێیان دەستاند و رووتیان دەکرد خەڵکیان ئازار دەدا و بە دەست بەتاڵی بەرەیان دەکردنەوە، هێزەکانی حکوومەتی بەو بیانوویە ئەو کەل و پەلە بۆ هێزی پێشمەرگە دەچێ بەو شێوە خەڵکیان تاڵان دەکرد .

٣٩ ساڵ پێش لە رۆژی ١١ی بەفرانباری ١٣٦٠ رادیۆی رێژیمی جینایەت کار لە شاری ورمێ رای گەیاند کە ١٥ کەس جەوانی مەهابادی کە چەند نەفەریان لایەنگری کۆمەڵە بوون ئێعدام کراون ، بەکرێگیراوانی رێژیم بۆ ئەوەی کەس و کاری شەهیدان بخەنە ژێر زەختی خۆیان بێ شەرمانە لە کاتی تەحویل دانەوەی تەرمی شەهیدان بە بنەماڵەکانیان دەکووت دەبێ یەک قودووشیرینی و ١٠٠٠٠ تمەن پووڵ بێن تا تەحویلیان وەر بگرنەوە ، رێژیمی فاشیستی سەرە رۆ بە بنەماڵەی زیندانیانی شەهید کراویان دەکوووت ، کورەکەتان بە هۆی ئەوە بۆتە کۆمەڵە و کافر بووە و دەبێ ئێوە خٶشحاڵ بن کە کافرێکمان کوشتووە، ١٠٠٠٠ تمەن پووڵیش بۆ هەر تاقە فیشەکێک نرخیان دانابوو کە دەبێ بۆیان ببژێرن .

زیندانیانی سیاسی کە بەرەو جوخەی ئێعدامیان دەبەن بە وتنەوەی درۆشمی بژی سۆسیالیزم ، بژی کۆمەڵە بەرەو ئامێزی مەرگ دەچوون .

لە چلەهەمین ساڵرۆژی شەهید کرانی ئەو تێکۆشەرە مەهابادی یانە سەری رێز و نەوازیش دادەنوێنم و پەیمان نوێ دەکەمەوە هاورێی بە ئەمەگیان بم، رێگای پڕ سەروەری و شانازییان رێگای گەیشن بە ئامانجەکانی کۆمەڵەیە .

١ ـ عەتا مووەفەقی خوێندکار لایەنگری کۆمەڵە

٢ ـ رەحمان عەلی راست

٣ ـ شەریف یۆسفی

٤ ـ عەلی بلووری

٥ ـ کەماڵ مۆغەمی لایەنگری کۆمەڵە .

٦ ـ رزگار خاتەمی

٧ ـ عەزیز سابوونچی

٨ ـ خوسرەو خاوەریان

٩ ـ مەحەمەد عەلی حوسێن پوور

١٠ رەحمان سیسەواری

١١ ـ جەعەفەر لالە عەباسی

١٢ ـ سەید حەمید حوسێنی