بانە؛ ڕوودانی ڕەنووی بەفر لە بەرزاییەکانی حەوت تاش ….
ڕوودانی ڕەنووی بەفر لە بەرزاییەکانی شاخی حەوت تاش، سەربە میحوەری بانە بۆ گوندی بیاندەرە، بووە هۆی ونبوونی شەش شاخەوان. لە ئۆپەراسیۆنی فریاگوزاری و ڕزگارکردندا، زۆر بەداخەوە هەر شەش شاخەوانەکە گیانیان لەدەستدا.بەپێی ڕاگەیاندنی جێگری ئۆپەراسیۆنی ڕێکخراوی فریاگوزاری و ڕزگارکردنی مانگی سوور، ئەم ڕووداوە سەرلەبەیانی ڕۆژی هەینی لە ٣٣ کیلۆمەتری میحوەری بانە بۆ مەریوان ڕوویداوە و دوای ماوەی ٢٤ سەعات گەڕان بەدوایاندا بەداخەوە تەرمی شەش شاخەوان دەرهێنراونەتەوە.
شایەنی باس کە حەوت شاخەوان لە چیای كەڵەكەجاڕ كەوتنە ژێر هەرەسی بەفر و سەرەتا تەرمی دوو كەسیان دۆزرایەوە و شاخەوانێكیش بە زیندووی دەرهێنراوەتەوە و رەوانەی نەخۆشخانەی شاری بانە كراوە.
لە قۆناغی دووەمیشدا دواتر بە هەوڵی تیمەكانی فریاگوزاریی، تەرمی چوار شاخەوانی دیكەشیان دۆزرانەوتەوە.
