مناڵ ھاوسەری  و خەسارەکانی ….

سەیران مستەفازاد

مناڵ ھاوسەری بە شیوازێەک  لە هاوسەرگیری  دەکوترێت کە کەسێک پێش ئەوەی تەمەنی بگات بە ١٨ ساڵ ژیانی هاوبەش پیک بینێت . بەڵام وشەی مناڵ ھاوسەری  زۆرتر بۆ ئەوەی بکار دێت کە کچ لە ژێر ١٨ ساڵ و بە زۆرەملی دەبێت لەگەڵ پیاوێک ژیانی هاوبەش پیک بینێت. کە ئمەش ھۆکارگەلێکی جێاواز وەک قەیرانی ئابووری ، دابونەریت و کۆلتور و کێشەی بن ماڵەی ھەیە . لە وڵاتانی ئورووپایی و پێشکەوتوو  ژیانی هاوبەش لە تەمەنی کەمدا یەکێک لە شێوازەکانی هاوسەرگیری زۆرەملی بە ئەژمار دێت و جورێک لە پێشێل کردنی مافەکانی منداڵان و کچانە .  بە پێ جارنامەی جیھانی مافی مناڵ ، مناڵ بە کەسێک دەلێن کە تەمەنی لە ژێر ١٨ ساڵ بێت . لە نێوان ھۆکارەکانی کە مافی مناڵ  دەخاتە مەترسی ، مناڵ ھاوسەرییە کە زۆرترین  رێژەی ھەیە و مناڵ لە زۆربەی مافەکانی خۆی بێ بەش  دەکات . 

مناڵ ھاوسەری ھۆکارگەلێکی   جیاوازی ھەیە کە گرینگترینان  ئەم چوار ھۆکارە بە ئەژمار دێت :

١- جیاوازی  ڕەگەزی : لە وڵاتانی کە ژن  ڕەگەزی  دووھەم بە ئەژمار  دێت مافی ژن لە بەر چاو ناگرترێت . لە سیستمی پیاو سالار ، پیاو ڕەگەزی یەکمە و دەسەڵاتدارەو  ھەر بۆ ئەمەش     ژن بە حەزی پیاو ژیان دەکات و پیاو  مافی بەسەر ھەموو شتێکدا ھەیە و ژن وەک کالا یەک سەیر دەکرێت . 

٢- دابونەریتی   کۆمەڵگا :  لە ھێندێک  کولتورەکان کە لە ناو کۆمەڵگا  دا ھەیە  بە تایبەت  لە وڵاتانی دواکەوتوو بە ھۆی ئەوەی کە ھێندێک لە رەفتار زۆر دووپاتە دەبێتەوە، دەبێت  بە یاسای  ئم کومەڵگایە و خەڵک  قەبوولی دەکن و دەبێت بە بەشێک لەو دابونەریتی  ئەم کۆمەڵگایە و مناڵ ھاوسەری یەکێک لەو دابونەریتە  نادروستەیە کە   لە زۆربەی وڵاتانی دواکەوتوو ھەیە . 

٣- ھەژاری : بە پێ   ڕاپۆرتی یونیسێف لە ساڵی ٢٠٢٠ لانیکەم  لە سەدا ٤٠   ، ئەم کچانی  کە وڵاتانی فەقیر ژیان دەکەن بە ھۆی  نەبوونی   و بارودۆخی خراپی ئابووری بن ماڵە ، لە تەمەنی  کەمدا ئیزدواج  دەکەن و یا بن ماڵە لە بەرامبەر پارە دا دیان فروشن .

٤- نەبوونی  ئەمنیت : لە دە وڵاتی جیھان کە زۆرترین ڕێژەی مناڵ ھاوسەری  ھەیە بە تایبەت  لەوڵاتانی وەک یەمەن و سودان بە ھۆی شەڕی ناوخۆیی و نەبوونی ئەمنیت   ، بن ماڵەکان  بۆ پاراستنی کچەکان و ھەروەھا بە ھۆی ھەژاری بن ماڵەکان  کچەکانیان زوو  بەمێرد دەدەن  بۆ ئەوەی کەسێکی تر وەک پیاوێک لە سەر کچەکان بێت و بیان پارێزیت . 

بە پێ  ڕاپۆرتی یونیسیف لە ساڵی ٢٠٢٠ ، لەساڵێکدا لانیکەم   ١٢ ملیۆن کچ  ژێر ١٨ ساڵ لەسەراسەری جیھاندا  ، ئێزدواجیان کردووە و ئێران دوای وڵاتی گینە لە پلەی دووھەم  بۆ مناڵ ھاوسەریدا بە ئەژمار  دێت .

بە پێ  یاسای بنەڕەتی ئێران  خالی ١٠٤١  یاسای مەدەنی ، ئێزدواج لە ژێر ١٣ ساڵ بۆ کچان   بە ئیزنی دایک و باوک  کێشە  نییە و یاسای  بە ئەژمار  دێت . بە پێ ئەو خالانی  کە لە لایەن    نیونەتەوەکان دیاری کراوە ئیزدواج  لە ژێر ١٨ ساڵ مناڵ ھاوسەری  و  جورێک لە دەستدرێژی  سێکسی بە ئەژمار دێت  بەڵام لە ئێران بۆ    پێش گرتن لە مناڵ ھاوسەری   یاسا نییە و  رێگەپێدراوە . 

بە پێ دوایین ئامارەکانی فەرمی ئێران لە ماوەی ٨ ساڵی رابردوودا زیادتر ە یەک ملیۆن و ٧٧ ھەزار   کچ   لە ژێر ١٨ ساڵ ئیزدواجیان  کردووە و ئەمە   زیادتر لە یەک لە سەر  پێنجی ئەو ئیزدواجانەیە کە ئێران تۆمار کراوە و ھەر چەند  ئم  رێژەیە زۆر زیادترە .

بە پێ ئامارەی رەسمی ئێران لە ماوەی ساڵی ١٤٠١ لە کوردستان ، زیادتر لە ١٤١٣٤ کەس لە ژێر تەمەنی ١٣ ساڵ و ٣٦٥ کەس لە  ژێر ١٥ ساڵ و زیادتر لە ٢٣٠ کەس لە ژێر ١٨ ساڵ بوون کە ئێزدواجیان  کردووە  ، کە ئەم ئامارانە زۆر راست نییە و زۆربەی  ئێزدواجەکان لە نوسینگەی تۆماری ئێزدواج  تۆمار ناکرێت . 

 دەرئەنجامی مناڵ ھاوسەری لە سەر کۆمەڵگا و تاکەکەس : یەکێک لە گرینگترین  دەرئەنجامی  مناڵ ھاوسەری دورخستنەوەی  ژنان و کچان لە خوێندنە  . کچانێک کە مناڵ ھاوسەری  دەکەن ناتوانن دەرس بخوێنن و یا کار و پیشەێکی تایبەت  فێر بن  و زۆربەیان  بە زۆری بن ماڵە دەبێت دەست لە خوێندن ھەل بگرن  و ئەمەش  کارێگەری لەسەر داھاتی کۆمەڵگا  دەبێت چۆن ئەم کچانە دەبن  بە دایکانی  داھاتوو و ھەر وەھا لە کاتی جودا بوونەوە  بە ھۆی ئەوەی کارێکی تایبەت  نازانن تۆشی  کێشە دەبن و ھەروەھا لە ئێران کاتێک کچ  مێرد دەکات ناتوانت لە مەکتبی ئاسایی    بەردەوام بێت لە خوێندن

یەکی ترلە  دەرئەنجامەکانی مناڵ ھاوسەری  توند و تیژی بەرامبەریان زۆرترە و دەستدرێژی  سیکسی و جەستەی بەرامبەریان دەکرێت . نەخۆشەکانی دەروونی و جەستەی و ھەروەھا  دووگیانی لە تەمەنی کەمدا کە زۆر مەترسیدارە و لە زۆربەی کات دا دەبێت   ھۆی گیان لەدەست دانی دایک و مناڵ  و گرینگترین بابەت  ، کچەکان   کاتی ژیانێکی باش و ئاسودە لەدەستت دەدەن و  بە زۆر لە دونیای مناڵی دور دەکەونەوە . 

بۆ ئەوەی مناڵ ھاوسەری بە تایبەت  لە وڵاتێکی وەک ئێران لە ناو بچیت  دەبێت دەسەڵاتداران  پروگرام و پلانی  تایبەت و گونجاوا دا بنیین  بۆ پاراستنی  مافی مناڵ  وەک یاسا ی  زیاد کردنی تەمەنی هاوسەرگیری ،  یاسای  ئەوەی کە مناڵ ھاوسەری  وەک تاوان بە ئەژمار بێت و ھەر بنەماڵە یا نوسینگەێک کە ئەم کارە ئەنجام  بدەن   تاوانبار بە ئەژمار    بێن و سزا  بۆیان دەر بکرێت . ھەروەھا بە ساز کردنی کولتوری دروست بۆ بنەماڵە لە رێگای پەروەردە و زانیاری بنە ماڵە  ، توانا کردنی کچان لە رێگای فێر کردنی   کار و پیشە و دەرس خوێندن ، لە ناو بردنی بیر و باوەری نادروستی ئایینی و   ھەروەھا  خەبات بۆ یەکسانی   رەگەزی و یەکسانی چینایەتی    دەتوانن    پێش بە مناڵ ھاوسەری بگردرێت. و تەنیا زەمانێک  کۆمەڵگا شایەتی  لە ناو چوونی مناڵ ھاوسەری دەبێت  کە حکومەت  بە ھاوکاری تەواوی خەلک  کار بکات  بۆ لە ناو بردنی ئەم   دیاردە قیزەونە.